හැමවිට ඇය ගැහැණියකි මට

සිනහවෙන්ම ඔබව නසා

බැල්ම හෙලා ඔබ රිදවා

මුසා බස් දොඩා බිඳ ඔබ

අවැසි දේම පමණක් කී

ඈ දරුවෙක් මෙන් හැංගෙන

මුත් මට නම් ගැහැණියකි

ආදරයෙන් ගෙන යන්නත්

සමග රැඳී හැර යන්නත්

ඇත්තම ඉල්ලා සිටිමින්

ඔබ කී දේ නොපිලිගන්න

හපනෙකි ඈ සැමවිටමත්

නොමිලේ දෙන දේ ගන්නත්

චෞර රැජින සේ වන්නත්

ඈ හට හැකි නමුත් මෙමට

හැමවිට ඇය ගැහැණියකි

තමන් ගැනම සැලකිල්ලක්

දක්වන ඇය හිතුමතේට

නවතින්නට හෝ හැකි විට

කාලයටත් ඉදිරියෙනි

කිසිවක් කිසිවෙකු හට පිට

නොකරන ඇය කොයි විටකත්

අන් අයෙකුට නොදෙවෙනි වන

ලෙස තම සිත වෙනස් කරයි

දිවHqද්‍යානයට වඩා වැඩියෙන්

ඈ පොරොන්දු වී

සැලකිල්ලෙන් තොර ඔබ සිඳ

ලේ ගලනායුරු බල බල

සිනහ වෙවී සිටිනා මුත්

ඔබ තුල ඇති හොඳ මෙන්

ඔබ තුල නිදනා රකුසන් වුව

අවදි කරන ඇය සැමදා

ගැහැණියක්ම ලෙසින් මෙමට

පෙනෙන නිසා සොහොයුර එම

වැරදි වලට ඔබටම දොස්

පවරා ගනු කාරුණිකව

නිතරම ඇය කාරුණිකයි

එවිගස සැහැසිකම් දරයි

අල්ලේ නැටවෙන නොහැඩයි

තම හිතුමතයට වැඩකර

ඈ කිසිදා යම් දෙයකට

වැරදිකාරි කියා ඔබට

දඬුවම් කල නොහැකි හැඩයි

උපාධියද උපයා ඇති

ඈ හැකි හැම විටකදීම

අවඥා වදන් ඔබ වෙත

යොමු කරනාමුත් ඈ මට

සැමවිටකම ගැහැණියකි

බිලී ජෝඑල් ගායකයාගේ ‘She’s Always a Woman to Me’ ගීය ඇසුරෙන්